Satanic Beauty Business – සාතන්ගේ රූපලාවන්‍ය වෙළෙඳාම

 

අන්තරාවයි…
රූපලාවන්‍ය වෙළෙඳාම,
උමතුවේ සහ මරණයේ සීමාවන් පසු කොට ඇත…

එක්‌තරා සති අන්ත උදෑසනකදී තරමක්‌ ප්‍රමාද වී අවදි වූ එක්‌තරා ස්‌වාමි පුරුෂයෙකු ඇඟ පත සෝදාගෙන, ගෙයි සාලෙ හරි බරි ගැසී වාඩි වූවේ තම ප්‍රියංභිකාවගේ දෑතින් පිරිනැමෙන දුම් දමන තේ කෝප්පය තොල ගෑමේ බලාපොරොත්තුවෙනි. තම බිරිඳ කුස්‌සියේ සිටින බවට එහි කෙරෙන ශබ්දවලින් හැඟී යයි. මද වෙලාවකින් දොර ඇරගෙන ආ ඇය දැන් ඔහු අභිමුවෙහිය. -දෙයියන්ටම ඔප්පුවෙච්චාවේ…, ඔහු ඉදිරියේ සිටින්නේ කවුදැයි දන්නේ උඩ ඉන්නා දෙවියන් පමණි.

මේ නම්, පිටසක්‌වලින් ආ ඒලියන්ස්‌, කෙනෙකු විය යුතුය. මේ අපුරු ජීවියාගේ කෙස්‌ කළඹ හැඩපලු ගෙතුවා සේ දම්වැල් ආකාරයට පහළට එල්ලා වැටෙමින් ඇත. ව්‍යාඝ්‍රයෙකුගේ වයිරං මෙන්, වර්ණ ගැන්වී ඇත. ඇහිබැම නිල් පැහැ ගැන්වී ඇත. මේ ජීවියාගේ පඬු පැහැති සහ සුදු පැහැති මුහුණ සිහි ගන්වන්නේ මෝහිනීගේ අවතාරයයි. කට, මේ දැන් ලේ බිවූ -ඩ්‍රැකියුලා, කටක්‌ වැනිය. දෑත් දෙපාවල දම් පැහැති උල් පිහියා වැනි නිය පොතුය. මේ සතාගේ වස්‌තරය, අඩකටත් වඩා නිරුවස්‌තරය.

සුදෝ මං දැන් හරි හැඩයි නේද,…..?

ටික වේලාවකින් මේ මෝහිනිය සිය හඬ අවදි කළාය.

වර්තමාන කාන්තාවන් ඇතැමෙකු එක්‌ අතකට විලාසිතා සහ රූපලාවන්‍ය කලාවේ උමතු සීමාවද පසු කර ගොස්‌ ඇති බැව් පෙනේ. අනෙක්‌ අතට, අන්තර්ගතය හා ප්‍රමිතිය පිළිබඳව ඒ හැටි සැලකිල්ලක්‌ නොදක්‌වන සහ ඒවා සම්බන්ධයෙන් වන දැනුමෙන් යාවත්කාලීන නොවන පාරිභෝගිකයින් බහුතරයක්‌ සිටින රටක ජීවත් වන අප හට විලාසිතා සහ රූපලාවන්‍ය නාමයෙන් කිසිදු වැදගැන්මකටද නැති නිෂ්පාදන රාශියක්‌ විකූණමින් සිටින තක්‌කඩි මුදලාලිලා විසින් එකී නිෂ්පාදනවල අවම සෞඛ්‍ය ආරක්‌ෂිතභාවය කෙසේ වෙතත් මරණයේ සීමාවද පසු කොට ගොස්‌ තිබේ. ඇතැම් නිෂ්පාදන වල අන්තර්ගතයන් දෙස විමසිලිමත් වීමෙන් මේ මාරක ඇත්ත පෙනී යයි.

තම රූප ස්‌වභාව ඔප් නංවා ගැනීමේ අරමුණින් රූපලාවන්‍යාගාරවලට ගොඩ වැදුණු සහ එම නිෂ්පාදන භාවිත කළ කිහිපදෙනෙකුටම මිනී පෙට්‌ටි වලින් ගෙදර එන්නට සිදු වූ පුවත් කිහිපයක්‌ම පසු ගිය දිනවලදී මෙරටින් සහ එරටින් වර්තා විය. මේ මොහොත වනවිට රටේ ප්‍රධාන මාතෘකාවක්‌ව ඇත්තේ එවැනි රූපලාවන්‍ය සැත්කමක්‌ ස`දහා පුද්ගලික ආයතනයකට ගිය වෛද්‍යවරියක්‌ බෙහෙත් අසාත්මික වී මිය යැමේ සිද්ධියකි.

විෂ පෙවූ ලස්‌සන

වර්තමානය වන විට රූපලාවන්‍ය කර්මාන්තය යනු අධික ලාභ ගෙන දෙන ව්‍යාපාරයක්‌ වන අතර, මේවා නිෂ්පාදනය සඳහා විවිධ රසායනික ද්‍රව්‍යයන් දස දහස්‌ ගණනක්‌ භාවිත කරයි. මේ සටමහර ඒවා විවිධ රෝගාබාධවලට හේතුකාරක වන බවට තහවුරුව තිබේ. පියයුරු පිළිකාවල පටක කොටස්‌ පරික්‌ෂා කිරීමේදී, කාන්තා උදවිය නිතර දෙවේලේ ඇඟේ ගාන රූපලාවන්‍ය නිෂ්පාදනවල තිබෙන ඇතැම් රසායනික සංයෝග තිබී හමු වීම අහම්බයක්‌ නොවන බව විද්‍යාඥයෝ පවසති. මෙවැනි විෂ සහිත රසායනික ද්‍රව්‍යය කන්දරාවක්‌ම, අපි උදේ ඉදන් රෑ වෙනතුරු භාවිත කරමින් සිටින්නෙමු. එහෙත් ප්‍රමිතීන් සහ නීතිමය පාලනයන් ඉතා දැඩිව ක්‍රියාත්මක කෙරෙන යුරෝපා රටවල්වල පවා, වෙළඳපොළේ විකිණීමට ඇති රූපලාවන්‍යය නිෂ්පාදන වර්ග පිළිබඳව කර ඇති පර්යේෂණ වලින් හෙළිවී ඇති තතු විත්ති එතරම් සුන්දර හෝ සුවඳවත් නැත. වඩා වැදගත් නිතර දෙවේලේ අප විසින් පරිභෝජනය කරනු ලබන රූපලාවන්‍ය නිෂ්පාදනවල තිබිය හැකි එවැනි හානිකර රසායනික සංයෝග කිහිපයක පැටිකිරිය මෙසේය.

වත්සුනු ගැල්වීම ප්‍රවේශමෙන්…

ටැල්ක්‌ පවුඩර් සාදනු ලබන්නේ -මැග්නීසියම් ට්‍රයිසිලිකේට්‌, නමැති ඛනිජ වර්ගයෙන් වන අතර, මෙම ඛනිජය සියුම්ව අඹරා සාදා ගනු ලබන -ටැල්ක්‌, තුළ පිළිකා අර්බුදවලට හේතු විය හැකි සියුම් ඇස්‌බැස්‌ටස්‌වලට සමාන කෙඳි අඩංගු වන බව සොයා ගෙන තිබේ. වර්ෂ 1973 සිටම යුරෝපා රටවල් තුළ ටැල්ක්‌ නොමැති නිෂ්පාදන වර්ග වෙළඳපොළේ ඇත. මේ සම්බන්ධයෙන් කර ඇති පර්යේෂණවලින් හෙළි වී ඇත්තේ, ප්‍රජනක ඉන්ද්‍රියයන් ආශ්‍රිතව සහ කිහිලිs ප්‍රදේශවල ටැල්ක්‌ පවුඩර් වර්ග සහ -ඩිඔඩ්රන්ට්‌, (දහදිය දුගඳ වළක්‌වන ආලේප) ගල්වන කාන්තාවන්ට, සියයට 40%සිට 90% දක්‌වා වැඩි වන අවදානමක්‌ ඩිම්භකෝෂ පිළිකා කෙරෙහි පවතින බවයි. කුඩා දරුවන් මෙම ටැල්ක්‌ ආශ්වාස කිරීම, ඔවුන්ගේ නොමේරූ පෙනහළු තුළ බරපතළ සංකූලතා ඇති විය හැකි බවත් අවධාරණය කළ යුතුව ඇත.

D E A (Diethanolamine) – මෙය ශැම්පෝ ලෝෂන්ස්‌, ක්‍රීම් වර්ග වැනි නිෂ්පාදන වල තෙතමනය රඳවා ගැනීම සඳහා සුලභව භාවිත කෙරෙන රසායනික සංයෝගයකි. මෙය විලවුන් නිෂ්පාදනවල අන්තර්ග වෙනත් රසායනික සංඝටක සමග ප්‍රතික්‍රියා කිරීමෙන් අතිශයින්ම පිළිකා කාරක සංයෝග කාණ්‌ඩයක්‌ වන නියිට්‍රොසමයින් සංඝටක (Nitrosamine compounds) සෑදෙන බව සොයා ගෙන ඇත. මෙම සංඝටක සම මතින් ලෙහෙසියෙන්ම ශරීරගත වෙන බවත්, ඉතා සුළු මාත්‍රාවක්‌ පවා පිළිකා කාරක වන බවත් සැලකිය යුතුය.http://www.preventcancer.com/consumers/cosmetics/diethanolamine.htm

Benzyl acetate / benzyl alcohol – මේවා සම හරහා ලෙහෙසියෙන්ම ශරීරගත විය හැකිය. ශ්වසන ආබාධ, ආසාත්මිකතා, ක්‌ලාන්තය, වමනය, විශාධයටද හේතු වන බව පැවසේ. මෙම රසායනික ද්‍රව්‍යයන් රෙදි මෘදුකාරක, සුවඳ විලවුන්, ශැම්පෝ, රෙදි සෝදන කුඩු, නියපාට ඉවත්කරණයන්, පිඟන් සේදුම්කාරක, එයාර් ෙµ්‍රස්‌නර්ස්‌, සහ ශරීර ආලේපන වර්ග වල තිබිය හැකිය. බෙන්සිල් ඇසිටේට්‌ යනු ප්‍රබල අග්න්‍යාශයික පිළිකාකාරකයක්‌ ද වෙයි.

1,4 – dioxane – මෙය ප්‍රබල පිළිකාකාරකයකි. සේදුම් කුඩු, ශැම්පො වර්ග, කන්ඩිෂනර්, දියර සබන්, ෙෆාaමින් ජෙලි වැනි නිෂ්පාදන වල තිබිය හැකි අතුරු ඵලයකි. (byproduct) ඇමරිකානු ආරක්‌ෂිත විලවුන් ව්‍යාපාරය නැමති ආයතනය විසින් සිදු කර ඇති අධ්‍යයනයකට අනුව, ඇමරිකාවේ අළෙවි කෙරෙන ජනප්‍රිය විලවුන් නිෂ්පාදන වලින් සියයට 22 කම මෙම රසායනිකය තිබෙන බව හෙළි වී තිබේ. මෙම රසායනිකය ජෛව වියෝජනයට ප්‍රතිරෝධී ලක්‌ෂණ පෙන්නුම් කරන බැවින්, සේදුම් අප ජලයෙන් දූෂිත පානීය ජලය සහ එළවළු භාවිත කරන මිනිසාට බරපතළ හානියක්‌ අත් කර දිය හැකි බවට විද්‍යාඥයින් බිය පළ කර ඇත. විශේෂයෙන් වකුගඩු වලට, අක්‌මාවට, මොළයට, හා ස්‌නායු පද්ධතියට හානි කළ හැකි බව වැඩි දුරටත් දැක්‌වේ.

(http://safecosmetics.org/article.php?id=288)

Heavy metals – ලෙඩ්, ආර්සනික්‌, රසදිය, ඇලුමිනියම්, ක්‍රෝමියම් වැනි අතිශයින්ම හානිකර බැර ලෝහ වර්ග ඇතැම් තොල් ආලේපන, නිය ආලේපන, අයිලයිනර්ස්‌, හිස කෙස්‌ වර්ණ ගන්වන නිෂ්පාදන සහ ක්‍රීම් වර්ගවල තිබෙන බව සොයා ගෙන ඇත. එමෙන්ම මෙරට තුළ අළෙවි කරනු ලබන කළු සම් සුදු කරනවා යෑයි කියන, ෙµයානස්‌ ක්‍රීම්, වර්ග වල රසදිය අඩංගුව තිබී සොයා ගත් බවටද තොරතුරු වාර්තා වී තිබේ.

Limonene – මෙය සැලකිය යුතු මානව පිළිකාකාරකයක්‌, ප්‍රජනන පද්ධතියට සහ ප්‍රතිශක්‌තිකරණ පද්ධතියට විෂ, අසාත්මිකකාරකයක්‌ ලෙස සැලකේ. විලවුන්, සබන් සහ රෙදි සෝදන කුඩු නිෂ්පාදන වල කෘත්‍රිම දෙහි සුවඳ සඳහා භාවිත කෙරෙයි. ජාත්‍යන්තර සුගන්ධකාරක සංගමයේ ප්‍රමිති නීතිවලට අනුව (International Fragrance Association Codes & Standards) සහ ඇතැම් යුරෝපා රටවල් විසින් තහනම් කර ඇති රසායනිකයකි.

Formaldehyde – නිය ආලේපන වර්ග, ඇස්‌ පිහාටු අලංකරණයන් (Eye lash adhesive, lash glue) සුවඳ සබන්, බේබි සබන්, බේබි ශැම්පෝ, හෙයා ජෙල්, කෙස්‌ මෘදුකාරක, වර්ග, ශැම්පෝ වර්ග වල කල් තබා ගැනීමේ රසායනිකයක්‌ ලෙස භාවිත කෙරේ. ජාත්‍යන්තර පිළිකා පර්යේෂණ ආයතනය (International Agency for Research on Cancer) විසින් ඇල්ඩිහයිඩ් පිළිකාකාරක ද්‍රව්‍යයක්‌ ලෙස හඳුන්වා ඇත. ජපානය, කැනඩාව, ස්‌වීඩනය යන රටවල් විසින් මෙය තහනම් කර තිබෙන අතර, යුරෝපා සංගමයේ රටවල් තුළ ෙෆාaමැල්ඩිහයිඩ් අඩංගු වන්නේනම් එය ලේබලය මත සඳහන් කළ යුතු බවට නීතියක්‌ පනවා තිබේ.

Butane, Isobutane, propane – එංගලන්තයේ විසූ 16 හැවිරිදි ජොනතන් කේප්වෙල් නැමති නව යෞවනයෙකු, එක්‌තරා ඩිඔඩ්රන්ට්‌ වර්ගයක්‌ අධික ලෙස කාලයක්‌ තිස්‌සේ ඇඟ ගැල්වීම නිසාවෙන්, 1998 වසරේදී හදිසියේ හෘදයාබාධයක්‌ වැළඳීමෙන් මිය ගියේය. මරණ පරීක්‌ෂණයේ දී හෙළි වූයේ ඔහුගේ සිරුරේ ඩිඔඩ්රන්ට්‌වල තිබෙන බියුටේන් සහ ප්‍රොපේන් නැමති රසායනික සංයෝග අධිකව තිබුණු බවය.

Parabens – පෙට්‌රෝලියම් ආශ්‍රිත නිෂ්පාදනයන්ය. පැරබීන් වර්ග රාශියක්‌ වෙයි. සුවඳ විලවුන් වර්ග, ශැම්පෝ, බොඩි ලෝෂන්ස්‌, දහදිය ගඳ වළක්‌වන ආලේපන වර්ග, (Deodorants) වැනි විලවුන් නිෂ්පාදන කල් තබා ගැනීම සඳහා භාවිත කරයි. පියයුරු පිළිකා රෝගීන්ගේ පියයුරු පටක තුළ, පැරබීන් සංයෝග සුලභව දැකිය හැකි බව සොයා ගෙන ඇත. වඳ කාරකයක්‌, මඳ සරුභාවයට හේතු වන රසායනික කාණ්‌ඩයක්‌ ලෙසත් හැඳින්වෙයි. බොහෝ රටවල්වල තහනම් කර ඇත. බොහොමයක්‌ නිෂ්පාදන තුළ අන්තර්ගත වෙයි. (උදාහරණ, බියුටිල් පැරබීන්)

BHA / BHT – මෙම රසායනික සයෝග විලවුන් නිෂ්පාදන කල් තබා ගැනීම සඳහා භාවිත කරනු ලබන ප්‍රතිඔක්‌සිකාරකයන්ය. මේම රසායනික ද්‍රව්‍යයන් ශරීරර ගත වීමෙන් සංජානනීය උපත් ආබාධ, මඳ සරුභාවය, මානසික වර්ධනය අඩු වීමේ රෝග තත්ත්වය (පැබඒක රුඒරාaඑසදබ) ළමුන් තුළ ඇති වන අධි ක්‍රියාකාරිත්වය, ඇදුම, චර්මාබාධ, අධික මහන්සිය, ඇස්‌ දැවිල්ල, ප්‍රතිශක්‌තිකරණ පද්ධතිය දුර්වල වීම, ලිංගික අසමතුළිතතාවය, සහ පිළිකා ඇති විය හැකි බවට තහවුරුව පවතින නිසා ඇතැම් රටවල භාවිත කිරීම තහනම් කර ඇත. ළදරු තෙල්, ලෝෂන් වර්ග, ලිප්ස්‌ටික්‌, අයි ශැඩෝ වර්ග, ෂේවින් ක්‍රීම් වර්ග වල තිබිය හැකිය. ඇමරිකානු ජාතික විෂවේද වැඩසටහන (National toxicology program) විසින් මෙය සැළකිය යුතු මානව පිළිකා කාරකයක්‌ ලෙසත් නම් කර තිබේ.

phthalate – මෙය අතිශයින්ම හානිකර රසායනික සංයෝගයකි. ප්‍රබල හෝමෝන ක්‍රියාකාරිත්වය වියවුල් කාරකයක්‌, (Endocrine disrupter) වඳකාරකයක්‌, සහ පිළිකාකාරකයක්‌ ලෙසත් හැඳින්වේ. තැලේට්‌ අඩංගු බොහොමයක්‌ සුවඳ විලවුන් සහ එයාර් ප්‍රෙෂ්නර්ස්‌, ශැම්පෝ වර්ග, නිය ආලේපන, ප්ලාස්‌ටික්‌ ළදරු නිෂ්පාදන යුරෝපා කොමිසමේ රටවල් වල සපුරා තහනම් කර ඇත.

Methylisothiazolinone (MIT), – මෙය විලවුන් නිෂ්පාදන කල් තබා ගැනීම සඳහා භාවිත කරයි. පිළිකාකාරක සහ ස්‌නායු විෂකාරක ලක්‌ෂණ පෙන්නුම් කර ඇති බැවින්, කැනඩා රජය විසින් තහනම් කර ඇති අතර, යුරෝපා සංගමය සහ ජපානය විසින් භාවිතය සීමා කර ඇත. මේ බොහොමයක්‌ රසායනික ද්‍රව්‍යයන් ගර්භාෂයේ වැඩෙන දරුවන්ගේ මොළයට පවා හානි කරන්නට හේතු වෙන බවත් පැවසේ. (http://www.ewg.org/skindeep/ingredient/703935/METHYLISOTHIAZOLINONE/ )

Petrochemicals – මිනරල් ඔයිල් සහ පැරබින් සංයෝග සමග තිබිය හැකි PAHs සංයෝග (polycyclic aromatic hydrocarbons) පිළිකාව ඇතුළු සෞඛ්‍ය සංකූලතා රාශියකටම ඉවහල් වන අතර, බුද්ධි මට්‌ටම අඩු කරන්නටද හේතු වෙන බව සොයා ගෙන තිබේ.

අනුකරණයේ, ඇද ගැනීමේ විපාක

හිම කාන්තාර තුළ, ගල් අඟුරු ආකර උඩ, සීතල නිසාවෙන් මිනිසුන් මිය ගිය අතීතයක්‌ මානව වර්ගයා පසු කරගෙන ඇවිත් ඇත. ගල් අඟුරු යනු ප්‍රබල ඉන්ධනයක්‌ බවට වන ඥානය ඔවුන් පසක්‌ කොට සිටියානම්, කිසිසේත් ඔවුන්ට ඒ ඉරණම අත් නොවනු ඇත. ශාරීරික සුවය සඳහා වෙසෙසින්ම ඉවහල් වන ස්‌වාභාව ධර්මයා සතු විස්‌මිත දායාද පිළිබඳව අවුරුදු දහස්‌ ගණනක මානව ඉතිහාසය තුළ අතැඹුළක්‌ සේ අපි දැන සිටියෙමු. රූපලාවන්‍ය සඳහාත්, දීර්ඝායුෂ විඳීම සඳහාත් ස්‌වභාව ධර්මයෙන් ලද ආහාර සහ ඖෂධීය නිෂ්පාදනයන් මැනවින් ප්‍රගුණ කළ, භාවිතා කළ, එවන් ස්‌වභාවික සම්පත්වලින් අනූන ජාතියක්‌ ද වෙමු. අඳොමැයි.¾ එA ඥානය තිබුණු වෙද හාමිනේලාගේ, වර්තමාන මිණිබිරියන් ගොඩපර, වැටකේ ගස්‌ යට සිට වැටකෙයියා, ගොඩපර සාරයෙන් නිෂ්පාදනය කර ඇතැයි වෙළඳ දැන්වීම්වලින් කියනු ලබන ශැම්පෝ වර්ග, තෙල් වර්ග බෝතල් ගණනින්, සෞඛ්‍යට මෙන්ම පරිසරයටත් වින කරන රසායනික ද්‍රව්‍ය කන්දරාවක්‌ද සමගින් හිස ගල්වාගෙන, ස්‌වභාවික ශාක සාර වල ඇති ඔසු ගුණ ගැන කයිවාරු ගසයි. මේ මරණීය ඇද ගැනීමෙන් නිදහස්‌ වෙන තුරු අප බොහෝ දෙනෙකුගේ ඉරණම පෙර කී ගල් අඟුරු ආකර මත සීතලෙන් මිය යන්නන්ගෙන් නොවෙනස්‌ වනු ඇත.

(විලවුන් හා සුවඳ විලවුන් වර්ග වල තිබෙන සැක කටයුතු හෝ හානිකර රසායනික ද්‍රව්‍යයන් වල පැටිකිරිය ගැන දැන ගැනීම සඳහා EWG වෙබ් අඩවියේhttp://www.ewg.org/skindeep/faq/ වෙත පිවිසෙන්න. )

ගැමුණු සාලිය පෙරේරා

මහජන සෞඛ්‍ය පරීක්‌ෂක
ඇල්ල, (බණ්‌ඩාරවෙල)

http://www.divaina.com/2014/08/17/feature07.html

ඔබත් මොඩ් වස විසට බිළිවන හෙළයෙක්ද?

වස විස, මිනිස්‌ හිස කෙස්‌,
සත්ත්ව මළ මුත්‍ර සහ ඇට කටු නොකන

නූතන ආහාර කර්මාන්තකරුවන් රස කාරක, කල්තබා ගැනීමේ ද්‍රව්‍ය, වර්ණ කාරක වැනි එකී නොකී වස කාරක, වඳකාරක, පිළිකා කාරක මෙන්ම මිනිස්‌ හිස කෙස්‌, ඌරු කටු, සත්ත්ව මළ මුත්‍ර පවා ඊනියා ජනප්‍රිය මොඩ් ආහාර සංස්‌කෘතියේ නාමයෙන් අපගේ ආමාශගත කරවමින් සිටින බව ඔබ දන්නවාද….”

අද මෙන් එකල, වෙළඳ දැන්වීම් වල පෙනී සිටින, මිසිස්‌ පෙරේරලා, සිල්වලා, සුපිරි ක්‍රිකට්‌ තරු, නළු නිළියන්, ඊනියා උපදේශකයන්, සූපවේදීන් මේ, මේ කෑම ජාති කන්න කියා උපදෙස්‌ දුන්නේ නැති නිසා, පැරැන්නන් ගමේ ගොඩේ හැදෙන වස විස නොයෙදූ කෑම බීම ජාති යහමින් අනුභව කළහ. එහෙත් දැන් තත්ත්වය ඊට හාත්පසින්ම වෙනස්‌ වී ඇත. නූතන ආහාර කර්මාන්තකරුවන් විසින් දැන් ආහාරයක්‌ යනු, වඩා සරල, විද්‍යාත්මක පදනමක්‌ නොමැති, ටොයිස්‌ බඩුවක්‌ බවට පත් කොට තිබේ. පැරැන්නන්ගේ දිවි රැක දීමට ඉවහල් වූ පෝෂණයේ අතිවිශිෂ්ටත්වය වූ රළු, ස්‌වාභාවික ආහාර කිසිදු වැදගැන්මකට නැති තුට්‌ටු දෙකේ ආහාර බවට පත් කර ඇත. එපමණකින් නොනැවතී “ස්‌වභාවික ආහාර අනුභවයෙන් සැඟවුණු පෝෂණ ඌණතාවයන් පවා ඇති විය හැකිය..” යනුවෙන් පැවසීමට තරම් ඔවුන් නිර්භය, අලජ්ජිත වී ඇත.

සකස්‌ කර ගන්නට කාලය වැය වන, රළු පරළු කැවුම්, කොකිස්‌, කිරිබත් යනාදිය, කොණ්‌ඩෙ බැඳපු චමින්දලාගේ, කෑම විදියට සලකන අපගේ කෑදර කට, දිව සහ හිත පිනවීමට නූතන ආහාර කර්මාන්තකරුවන් රස කාරක, කල්තබා ගැනීමේ ද්‍රව්‍ය, වර්ණ කාරක වැනි එකී නොකී වස කාරක, වඳකාරක, පිළිකා කාරක මෙන්ම මිනිස්‌ හිස කෙස්‌, ඌරු කටු, සත්ත්ව මළ මුත්‍ර පවා ඊනියා ජනප්‍රිය මොඩ් ආහාර සංස්‌කෘතියේ නාමයෙන් අපගේ ආමාශගත කරවමින් සිටින බව ඔබ දන්නවාද?

වැනිලා, ස්‌ට්‍රොබෙරි, ඇපල් එසන්ස්‌ ද, මළ නොකන තීන්ත ආලේපනද?

බොහෝ දෙනෙක්‌ කේක්‌, බිස්‌කට්‌, අයිස්‌ක්‍රීම්, පුඩින්, වටලප්පන්, ආදී පර කෑම වර්ග වලින් තම අවුරුදු කෑම මේස සරු නොකළොත් මහත් මදි පුංචි කමක්‌ ලෙස සලකන්නට පුරුදුව සිටිති. දේශීය රසකැවිලි වලට ඖෂධීය ගුණයෙන් අනූන එනසාල්, වසාවාසි, සාදික්‌කා ආදී ස්‌වභාවික සුගන්ධකාරක එක්‌ කළ ද, මේ විජාතික ආහාර තැනීමට භාවිත කළ යුත්තේ වැනිලා, ස්‌ට්‍රොබෙරි, ඇපල්, අන්නාසි ආදී කෘත්‍රිම සුගන්ධකාරකයන්ය. බෝතල් වල අසුරා වෙළෙඳපොළේ විකිණීමට ත්sබෙන මේ සුගන්ධකාරක වර්ග වල තිබෙන්නේ ඇත්තම වැනිලා, ස්‌ට්‍රොබෙරි හෝ ඇපල් යෑයි විශ්වාස කරන පාරිභෝගිකයන් බොහෝ දෙනෙකු ඒවායේ තිබෙන පිළිකාකාරක සහිත කෘත්‍රිම රසායනික ද්‍රව්‍යයන්ගේ ආදීනව නොදනිති.

මෙම රසකාරක සහ සුවඳකාරක තැනීම සඳහා භාවිත කරනුයේ විවිධ අනුපාතයන්ට මිශ්‍ර කළ ඇල්කොහොල්, ග්ලිසරෝල් හෝ ප්‍රොපිලීන් ග්ලයිකෝල් ද්‍රdවකයන්ය. මේ බොහොමයක්‌ රසායනික ද්‍රව්‍යයන් අපගේ ශරීර සෞඛ්‍යයට අතිශයින්ම අන්තරාදායක වන අතර, මේවා අතුරින් “ප්‍රොපිලීන් ගලයිකෝල්” (Propylene glycol)) වැනි රසායනික ද්‍රව්‍යයන් ලෝහ විඛාදනයෙන් වැළැක්‌වීම සඳහා නිෂ්පාදනය කරන තීන්ත ආලේපන වලට සහ සුවඳ විලවුන් නිෂ්පාදනය කිරීමට ද භාවිත කරන බව අවධාරණය කරනු කැමැත්තෙමු.

වැනිලා රසකාරකද, බීවරයන්ගේ ගුද ශ්‍රාවයන්ද?

අපේ රටේ සුලභව භාවිත කරන ආහාර සුගන්ධකාරකයක්‌ වන්නේ වැනිලා එසන්ස්‌ ය. නියම වැනිලා එසන්ස්‌ නිෂ්පාදනය කරනුයේ වැනිලා ශාකයේ බීජ සාරයෙන් වුවද ස්‌වභාවික වැනිලා මිල අධිකය.

බීවරයාදී නමින් හැඳින්වෙන විශාල ඌරු මීයෙකු වැනි සත්ත්වයෙකු යුරෝපා රටවල සිටී. මෙම සත්ත්වයාගේ ගුද මාර්ගය සහ මුත්‍ර මාර්ගය ආශ්‍රිතව “Castoreum” නමින් හඳුන්වනු ලබන ඉන්ද්‍රියයක්‌ ඇත. මෙයින් ශ්‍රාවය කෙරෙන ශ්‍රාවය වැනිලා සුවඳට සමානය. එබැවින් මෙම ශ්‍රාව මුසු වුණු බීවර මළ මුත්‍ර ද ඇතැම් වැනිලා එසන්ස්‌ නිෂ්පාදකයන් භාවිත කරනු ලබයි. එබැවින් ඔබ ආහාරයට ගනු ලබන ස්‌වභාවික ආහාර සුගන්ධකාරක (වැනිලා) යනුවෙන් සඳහන් ආහාර වල බීවර මළ මුත්‍ර ද තිබිය හැකි බව අවධාරණය කරමු.

මිනිස්‌ කෙස්‌, තාරා පිහාටු වලින් වැඩි දියුණු කළ කේක්‌, පාන්.

බේකරි නිෂ්පාදන වල තත්ත්වය වැඩි දියුණු කිරීමටත්, ඒවා කල් තබා ගැනීම වැඩි කර ගැනීමටත්, නූතන බේකරි නිෂ්පාදකයන් විසින් සුලභව භාවිත කරනු ලබන ජනප්‍රිය ආහාර ආකලන වර්ගයක්‌ වෙයි. මෙය භාවිත කිරීම නිසාවෙන් පාන්, කේක්‌ වැනි බේකරි නිෂ්පාදන වලට මෘදු, පුලුන් වැනි උසස්‌ වයනයක්‌ ලැබෙයි. L-cysteine, යනුවෙන් හැඳින්වෙන (\o “E number” E number – E920) මෙම ආහාර අකලනය වානිජව නිෂ්පාදනය කරනු ලබන්නේ තාරා, කුකුල් පිහාටු සහ සත්ත්ව රෝම වලිනි. (http://en.wikipedia.org/wiki/Cysteine).

චීනය, බාබර් සාප්පු වලින් ඉවත ලන මිනිස්‌ කෙස්‌ එකතු කර මහා පරිමානව “එල් – සිස්‌ටීන්” නිෂ්පාදනය කිරීමට කුප්‍රකටය. චීනයේ නිෂ්පාදනය කෙරෙන කසි කබල්, සෞඛ්‍යයට අහිතකර නිෂ්පාදන වලින් අපේ රට පිරී ඉතිරී යමින් තිබෙන නිසා තාරා පිහාටු කෙසේ වෙතත් මිනිස්‌ හිස කෙස්‌ වලින් අපගේ ආහාර සරු වීම නම් නිසැකය. ඉදින් බත් පිඟානේ බිරි`දගේ කෙස්‌ ගසක්‌ වැරදිලාවත් තිබුනොත් මෝල් ගස්‌ උස්‌සන චණ්‌ඩින් දැන් කළ යුත්තේ ඒ මෝල් ගස්‌ අරන් බේකරි වලට සහ විජාතික ආහාර ආනයනකරුවන් බැහැ දකින්නට යාම ය. නොඑසේනම්, කේක්‌ ගෙඩියක්‌ ඉදිරියේ තබා ගෙන කෙනෙකුට පිළිකුල් භාවනාව වුව වැඩිය හැකිය.

ජෙලි, චුවින්ගම්, ජුජුබ්ස්‌, මාස්‌මෙලෝස්‌, අයිස්‌ ක්‍රීම් සමග හරක්‌ කටු, ඌරු කටු.

සාමාන්‍යයෙන් අවුරුදු කෑම මේසයක තිබෙන අළුවා කෑල්ලක්‌, තල කැරැල්ලක්‌ කෑමට අකමැති බොහෝ දෙනෙක්‌ මාස්‌මෙලෝස්‌ කෑල්ලක්‌ කෑමට ගිජු වෙති. සෙමට හොඳ නෑ, ඌෂ්ණයි කියමින් මුදවපු කිරි කෑම ප්‍රතික්‌ෂේප කරන ඇත්තෝ අතුරු පසට ජෙලි, අයිස්‌ක්‍රීම් කප් එකක්‌ (යහමින් තිබුනොත් දෙකක්‌) දෙපාරක්‌ නොසිතාම කා දමති. නිර්මාංශ ආහාර පමණක්‌ අනුභව කරන ඇතමෙක්‌, ඔරිජිනල් මුහුදු පැළෑටි සාරයෙන් නිපදවා ඇතැයි කියමින් ජෙලි, වළඳති.

ඉහත කී ආහාර වර්ග බොහොමයක්‌ සෑදීමට භාවිත කරන, අපේ රටේ බොහොමයක්‌ ගෙවල් වල ශීතකරණ විවෘත කර බැලුවාම ද දකින්නට තිබෙන, ආහාර ආකලනයකි ජෙලටීන්. (\(o “E number” E number E441) මේ ජෙලටීන් නිෂ්පාදනය කරන්නේ මස්‌ පිණිස මරා දැමෙන හරකුන්, ඌරන්, බැටළුවන් වැනි සතුන්ගේ කටු වලිනි.

ජෙලටීන් හරහා උමතු ගව රෝගය ((Mad Cow disease) වැනි ඇතැම් භයානක සත්ත්වසාදන (Zoonotic) රෝග මිනිසුන්ට බෝ විය හැකිය යන සැකය නිසාවෙන් යුරෝපා සංගමය සහ ඇමරිකානු ආහාර හා ඖෂධ අධිකාරිය විසින් ජෙලටීන් නිෂ්පාදන ක්‍රියාවලිය දැඩි තත්ත්ව පාලනයන් සහ නීති රෙගුලාසි වලට යටත් කර තිබේ. එමෙන්ම සත්ත්ව කටු වෙනුවට ශාක මූලාශ්‍ර පදනම් කර ගත් ජෙලටීන් නිෂ්පාදනද ලෝකයේ ඇතැම් රටවල විකිණීමට තිබෙන මුත්, අපේ රටේ අළෙවි කෙරෙන නිෂ්පාදන ස්‌වභාවික දැයි, හෝ පෙර කී යුරෝපා රටවල ක්‍රියාත්මක වන, අපේ රටේ නොමැති ශක්‌තිමත් නීති රීති වලට අනුකූලව නිෂ්පාදනය කෙරුණු ඒවා දැයි සහතික කර ගැනීමට මගක්‌ නොමැති නිසාවෙන් නිෂ්පාදකයා හෝ තුට්‌ටු දෙකේ වෙළෙඳ දැන්වීම් කරුවන් ඇද බාන ඕනෑම ගජ බින්නයකින් ස්‌වයං තෘප්තියකට පත් වනු විනා කළ හැකි අන් යමක්‌ නැත.

කුරුමිණි සාරයෙන් සාදන රස කැවිලි.

ටොෆි, සීනි බෝල, ලොලිපොප් වැනි රසකැවිලි වල මතුපිට දක්‌නට ලැබෙන දිළිසෙන ඉටිමය ස්‌වරූපයට හේතුව වන්නේ, ඒවායේ ආලේප කර තිබෙන රෙසිනයක්‌ නිසාවෙනි. සේලැක්‌ (Shellac) නමින් හඳුන්වන (ජාත්‍යන්තර අංකණ ක්‍රමයෙන් E 904 ) මෙම ආහාර ආකලනය රසකැවිලි නිෂ්පාදන වල ලේබල් මත “confectioner’s glaze”, “confectioner’s resin” , “candy glaze”, “pure food glaze” , “natural glaze”ී යන නම් වලින් ද සඳහන් කර තිබිය හැකිය.

මෙම සේලැක්‌ නිස්‌සාරනය කරනු ලබන්නේ ඉන්දියාව, තායිලන්තය වැනි රටවල ජීවත් වන “lac bug” නමින් හඳුන්වන කුරුමිණි විශේෂයේ නිස්‌සාරයෙනි.

කරවල හොද්දෙත් චිකන් රසය සොයන ඇත්තන්ගේ දැන ගැනීම පිණිසයි.

මෙරට ජනතාව අනුභව කරනු ලබන, සකස්‌ කළ ආහාර වර්ග බොහොමයක පාහේ අඩංගු වන, එක්‌තරා රසායනික ද්‍රව්‍යයක්‌, දැන් දැන් ලංකාවේ ගෘහණියන් බොහෝ දෙනෙකුගෙA මුළුතැන්ගෙයි අත්‍යවශ්‍ය ආහාර රස කාරකයක්‌ව ඇත. ලෝකේ විශිෂ්ටතම ස්‌වභාවික ආහාර රස කාරක තිබුණු, තිබිච්ච රටක, රම්පේ, කරපිංචා, කුරුඳු පොතු නොහඳුනන වර්තමාන ගෘහණියන්, තුට්‌ටු දෙකේ රසකාරිකයන් ගේ බයිලා අසා, රස සාගරයක වල්මත් වී ඇත.

විද්‍යාත්මකව “මොනො සෝඩියම් ග්ලුටමේට්‌” නැතිනම්, MSG කියලා කෙටියෙන් හඳුන්වනු ලබන මෙම රසායනිකය, වඳභාවයට සහ ලිංගික බෙලහීනතාවයට හේතු විය හැකි බවත්, ප්‍රබල ස්‌නායූ විෂ කාරකයක්‌, (Neurotoxin) පිළිකා කාරකයක්‌ සහ සෞඛ්‍ය ආබාධ බොහොමයක්‌ සඳහාත් හේතු විය හැකි ආහාර ආකලනයක්‌ බවත්, පර්යේෂකයන් අවධාරණය කොට තිබේ. ඇමරිකාවේ නෝර්ත් ඊස්‌ටර්න් සරසවියේ කර ඇති පර්යේෂණයක දී, MSG මගින් පුරුෂ ශුක්‍රාණු වල සරුභාවය සියයට 50 කින් සහ කාන්තාවන් ගැබ් ගැනීමේ හැකියාව සියයට 50 කින් පමණ අඩු කරන බව, සොයා ගෙන ඇත.

මොනො සෝඩියම් ග්ලුටමේට්‌ කියන්නේ, ආහාරයේ රසය යාමනය කරන රසායනිකයකි. (Flavor enhancer) සරලව කීවොත්, MSG මගින් ඔබේ දිවේ රසය හඳුනා ගන්නා සෛල (රසාංකුර) උත්තේජනයට ලක්‌ කරනු ඇත. ඒ අනුව කටේ දමා ගන්නා ඕනෑම දෙයක්‌ ප්‍රනීත රසයකින් යුක්‌ත වන බව ඔබේ මොළයට සන්නිවේදනය කරවනු ඇත. (රවටයි) දැන් පිදුරු, පුන්නක්‌කු උනත් රස කර කර කෑමට ගත හැකි වනු ඇත.

එමෙන්ම, MSG ප්‍රබල ඇබ්බැහිකාරකයක්‌ද වේ. මේ අනුව වැඩි වැඩියෙන් MSG යෙදූ ආහාර ගිල දැමීමට කෙනෙකු තුළ මළ පෙරේත කමක්‌ ඇති කරවීමට ද MSG සමත්ය. කුඩා දරුවන්ට දෙමාපියන් විසින් MSG යහමින් දමා ඇති, කඩ චෝරු කැවීමට ගනු ලබන ආදරණීය උත්සාහයේ ප්‍රතිඵලය තමයි, ඒ දරුවන්ට ස්‌වාභාවික කෑම කැවීමට ඇති අසීරු කම. ගෙදර මළ සමයං නටමින් දරුවන්ට බත් කැවීමට දඟලන දෙමාපියන් මේ කාරණාව පිළිබඳව බැරෑරුම්ව හිතනවා නම් යෙහෙකි.

සුප් කැටයෙන්, කොත්තුවෙන් පටන් ගත්තාම වෙළෙඳපොළේ සැරිසරන බොහොමයක්‌ සකස්‌ කළ ආහාර වර්ග වල MSG තිබෙන බව නම් ඉඳුරාම කිව හැකිය. “ස්‌වාභාවික රසකාරක” (Nature identical flavor) “අනුමත රස කාරක”,”රස යාමනයන්”, (Flavor enhancer) “වැඩි දියුණු කළ ආහාරමය පිෂ්ඨය, (Modified food starch) “ස්‌වාභාවික චිකන්, මාළු රසය”, “ආහාර පදම් කාරක”, (Food seasoning) මේවායේ ද බොහෝ විට තිබෙන්නේ, MSG ය.

ඇතැම් විට ලේබලයේ අඩංගු ද්‍රව්‍ය යටතේ, (Ingrediants) මෙසේ ද සඳහන් කර තිබිය හැකිය.

E 620 – Glutamic acid
E 621 – Monosodium Glutamate
E 622 – Mono potassium Glutamate

E අංකය, 620 සිට 637 දක්‌වා සඳහන්ව තිබෙනුයේ ග්ලුටමේට්‌ කාණ්‌ඩයේ ආහාර රස කාරකයන් ය. මෙම ලැයිස්‌තුව දැක්‌කාම ඔබ කලබල වනු ඇත. එහෙත් සකස්‌ කළ ආහාර වර්ග නිතර අනුභව නොකරන්නෙකුට අවදානමක්‌ නොමැති තරම් වන බවද කිව යුතුව ඇත.

අප ආහාරයට ගනු ලබන ඇතැම් ස්‌වාභාවික ආහාර තුළත්, හානිකර නොවන මට්‌ටමකින් ග්ලුටමික්‌ අම්ලය තිබේ. කෘත්‍රිමව MSG ලබා ගත හැකි මාත්‍රාව පිළිබඳ විවිධ මතවාද තිබෙනවා. ලෝක සෞඛ්‍ය සංවිධානයේ නිර්දේශය වන්නේ, ළදරු ආහාර සඳහා MSG භාවිත නොකළ යුතු බවයි, (ලංකාවේත් එළැඹෙන ජූලි මස සිට මෙම නීතිය ක්‍රියාත්මක වනු ඇත.)

ස්‌වාධීන පර්යේෂණ වාර්තා පෙන්වා දෙන්නේ, එක්‌ ආහාර වේලක MSGල ග්රෑම් දශම 5 කට වඩා (0.5 ට) තිබීම හානි කර බවයි. (Federation of American Societies for Experimental Biology)

එහෙත් අවාසනාවක තරම, ලංකාවේ හෝටල් වල පිළියෙල කරනු ලබන එක්‌ කොත්තුවක, ප්‍රයිඩ් රයිස්‌ එකක MSG ග්රෑම් 6 ක්‌ පමණ තිබෙන අතර, මික්‌ෂර්ස්‌, බයිට්‌ ග්රෑම් 100ක MSGල ග්රෑම් 1 – 2 ක්‌ අතර ප්‍රමාණයක්‌ තිබෙන බවත් අවධාරණය කළ යුතුව ඇත. එවැනි ආහාරයක්‌ ගත්තාම, වතුර ගැලුමක්‌ විතර බොන්න හිතෙන්නෙත්, කැස්‌ස, හිසරදය, කරකැවිල්ල වැනි රෝග ලක්‌ෂණ ඇති වෙන්නෙත්, මේ අධික MSG මාත්‍රාව නිසාය. මේ රෝග ලක්‌ෂණ වලට කියන්නේ “චයිනීස්‌ රෙස්‌ටොරන්ට්‌ සින්ෙඩ්‍රාaම්” කියලයි. මගුල් ගෙවල්, දානේ ගෙවල් වල කෑම හදන කුක්‌ උන්නැහෙලා ලියලා දෙන බඩු ලැයිස්‌තුවේ ,MSG, කිලෝ එකක්‌ දෙකක්‌, සඳහන් කර තිබීමෙන්, අපේ කට්‌ටිය ගේ MSG මාත්‍රාව ගැන හිතා ගන්න පුළුවන.

ගල් අඟුරු තාර වලින් පෙරූ, ඇස රවටන සින්තටික්‌ ඩයි.

පාට පාට ලෝකයක පාරිභෝගිකයන් නන්නත්තාර කරවන කෘත්‍රිම ආහාර වර්ණක පිළිබඳවද කියන්නට තිබෙන්නේ කළු පාට කථාවකි. බොහොමයක්‌ කෘත්‍රිම ආහාර වර්ණක සාදා ඇත්තේ ගල් අගුරු තාර නිස්‌සාරකයන්ගෙනි. (derived from coal tar) මේවා ආහාරයට ගැනීමෙන් අසාත්මිකතාවයනට හේතු විය හැකි බවත්, නිතර වැළඳීමෙන් ළමුන්ගේ මොළයේ සිදුවන අසාමාන්‍යතා, හැසිරීමේ අසාමාන්‍යතා, මන්දමානසිකත්වය (ADHD) සහ පිළිකා වලට පවා හේතු විය හැකි බවත් සොයා ගෙන තිබේ.

අනාගත පරපුර කම්මුතු කරන ක්‌ෂණික කෘත්‍රිම ආහාර.

සකස්‌ කළ, ක්‌ෂණික කෘත්‍රිම ආහාර වර්ග නිතර අනුභව කරනු ලබන දෙමවුපියන්ගේ ප්‍රජනන සරුභාවය දුර්වල වන බවත්, යම් හෙයකින් ඔවුන් දරුවන් බිහි කළත්, එම දරුවන් පිළිකාව, හෘදයාබාධ, දියවැඩියාව වැනි බෝ නොවන රෝග වලට ගොදුරුව අකාලයේ මිය යන බවත්, ජෝර්- ටවුන් සරසවියේ වෛද්‍ය පීඨයේ දීර්ඝ කාලයක්‌ තිස්‌සේ කර ඇති තවත් පර්යේෂණයකින් සනාථ වී ඇත.(Http://www.naturalnews.com/029198r®cancerr®epignetics.html)

ඒ කියන්නේ, වඳභාවය, පිළිකාව පවා, පරම්පරාවෙන් පරම්පරාවට යන බව සහ අනාගතයේදී උපත් පාලනය නොකළත් ජාතීන් මෙළොවෙන් අතුරුදහන් වන බවයි.

කිසිදු වග විභාගයකින් තොරව අප විසින් ගිල දමනුq ලබන මොඩ් කෑම බීම වලට එක්‌ කර තිබෙන මාරාන්තික රසායනික ද්‍රව්‍යයන් සහ පිළිකුල් සහගත ජුගුප්සාජනක ද්‍රව්‍යයන් පිළිබඳ කතන්දර තව නහුතයක්‌ම වෙයි. අවාසනාවට ඒ බොහෝ කථා අවසන් වන්නේ, පූර්ණ තරඟකාරී ලිබරල් වානිජ සමාජයක නූතන කට්‌ටපුචලා විසින් මනුවගට අත් කර දෙන, මරණීය ශෝකාන්තයන්ගෙනි.

එබැවින් නිරෝගී සිංහල ජාතියක්‌, තව ශත වර්ෂ ගණනාවක්‌ මිහිපිට යහතින් සිටිනවා දකින්නට කැමතිනම්, අප කළ යුත්තේ එළැඹෙන සිංහල අලුත් අවුරුද්ද ඒ සඳහා හොඳ නිමිත්තක්‌ කර ගැනීමය.

– ගැමුණු සාලිය පෙරේරා මහජන සෞඛ්‍ය පරීක්‌ෂක – ඇල්ල (බණ්‌ඩාරවෙල)

 

http://www.divaina.com/2014/04/13/feature05.html